Best Malayalam poems in Mozhi

Pin It

ലോകം മുഴുവൻ കൂടുകളാണെങ്കിലും
ആകാശത്ത് ഒറ്റയ്ക്കലയാനാണെനിക്കിഷ്ടം.
നിങ്ങൾ നീട്ടുന്ന ഒരു കൂടും 
എനിക്ക് പാകമാകില്ല.

Pin It

അടുക്കളക്കോലായിലൊത്തുകൂടി
ഉത്രാട സന്ധ്യയിലംബികമാർ;
പലവക കൂട്ടു നിരത്തിവച്ചു
സദ്യച്ചമയത്തിന്നാരംഭമായ്.

Pin It

നിന്നെ എഴുതാൻ 
വാക്കുകൾക്കൊരു നിമിഷം മതി.

Pin It

കണ്ണാൽ, കിനാവിൻ -
കാഴ്‌ച കാണില്ല
ഉള്ളാൽ രുചിക്കുവാൻ
തേൻ മതിയാകില്ല
അകക്കണ്ണുകൊണ്ടേ-
തുറക്കുന്നു കാലം
ആത്മാക്ക,ളവിടെ-
പുറംകാഴ്ച മാത്രം!

Pin It

1. നല്ല കുട്ടി

അനുസരണ
തിന്നുതീർത്ത ബാല്യവും,
കുടുംബത്തിന്റെ
മാനാഭിമാനങ്ങൾ കാക്കാൻ
അടച്ചിട്ട കൗമാരവും,
ത്യാഗത്തിന്റെ
മഹത്വത്തിൽ
തീർന്നുപോയ യൗവ്വനവും കഴിഞ്ഞ,
വാർദ്ധക്യത്തിന്റെ
ഈ എച്ചിൽ....
ഇതെവിടെ കളയണം?

Pin It

ഞാൻ വലിച്ചിവനെയെറിയും
ദൂരത്തൊഴുകുന്ന തോട്ടിലെ-
ച്ചേറിന്റെ ഗർഭത്തിൽ 
വീണൊരു, മുത്തായി മാറുവാൻ! 

Pin It

ചരിത്രമെഴുതാൻ
ഏറ്റവും അനുയോജ്യർ ഒച്ചുകളാണ്
ഒരു ബിന്ദു പോലും
സ്പർശിക്കപ്പെടാതെ പോകരുതെന്ന്
അവയ്ക്കറിയാം.

Pin It

അഞ്ചു വഴികളുമൊന്നിച്ചു ചേരുന്ന
പാഞ്ചാല മുക്കിലാണെൻ കുടികിടപ്പ്.
ധർമ്മാർത്ഥ കാമമോക്ഷങ്ങൾ പരബ്രഹ്മ-
മൊക്കെയും വാർന്നൊഴുകി നിറയുന്ന
പുഴകളീ വഴികളെന്നറിയുന്നു, അവ -
യെന്നിൽ നിറയുന്നു; അവയിലീ ഞാനും.

Pin It

കാത്തിരിപ്പുകൾ പലതും ബാക്കിയാക്കി,
കാലചക്രമുരുളുന്നുവല്ലോ. 

ഓണവും വിഷുവും സംക്രാന്തിയുമെല്ലാം,
കാലാകാലങ്ങളായി വരുന്നു. 

Pin It

 

അന്ന് മഞ്ഞുള്ള രാത്രിയിൽ
വായനശാലയിലേക്കെന്ന് പറഞ്ഞ്
നാലുകെട്ടിൽ  നിന്നിറങ്ങിയ
വായനാ പ്രിയനും
പുസ്തക പ്രേമിയുമായ 
എന്നെ കാണാതായിട്ട്
ഇന്നേക്ക് രണ്ടു വർഷം.