Pin It

(Last updated on 05.06.2022)

മൊഴിയിൽ സമർപ്പിക്കുന്ന രചനകൾ ഈ പബ്ലിഷിംഗ് ഗൈഡ് പ്രകാരം തയാർ ചെയ്യേണ്ടതാണ്. അല്ലാതുള്ളവ ഒഴിവാക്കപ്പെടുകയോ പ്രസിദ്ധപ്പെടുത്താൻ നീണ്ട കാലതാമസം വരികയോ ചെയ്യാം. 

മറ്റിടങ്ങളിൽ പ്രസിദ്ധപ്പെടുത്തിയ രചനകൾ മൊഴിയുടെ പ്രൈം വിഭാഗത്തിൽ പ്രസിദ്ധപ്പെടുത്തുകയില്ല. ഒരാളുടെ എത്ര രചനകൾ വേണമെങ്കിലും മൊഴിയിൽ സമർപ്പിക്കാം. എന്നാൽ ഒരു ദിവസം ഒരാളുടെ ഒരു രചന മാത്രമേ പ്രസിദ്ധം ചെയ്യുകയൊള്ളു. 

മൊഴിയുടെ നാവിഗേഷനിൽ ഉള്ള  വിഭാഗങ്ങളിൽ (category) പെടുന്ന രചനകൾ മാത്രമേ പ്രസിദ്ധം ചെയ്യുകയൊള്ളൂ. Eg: കഥ, ചിരി, അനുഭവം, വഴിക്കാഴ്ച, വീക്ഷണം, തുടർക്കഥ, നോവൽ, കവിത etc. 

രചനകൾ എഴുതുമ്പോൾ / ടൈപ്പ് ചയ്യുമ്പോൾ, ഇടത്തെ അറ്റത്തു നിന്നും തുടങ്ങണം (No indentation allowed). ഇടത്തെ മാർജ്ജിനും വാചകത്തിനും ഇടയിൽ ഒഴിഞ്ഞ ഇടം (space) ഉണ്ടാവാൻ പാടില്ല. 

ഗദ്യ രചനകളിൽ ആശയങ്ങൾ മുറിഞ്ഞുപോകാതെ പാരഗ്രാഫുകൾ തിരിച്ചിരിക്കണം. എല്ലാ പാരഗ്രഫുകളും  ഇടത്തെ മാർജിനോട് ചേർന്നു തുടങ്ങിയിരിക്കണം (No indentation allowed).

പ്രസിദ്ധീകരണ യോഗ്യമായ രചനകളിൽ ഭാഷാപരമായ തെറ്റുകൾ, വ്യാകരണപ്പിഴവുകൾ, അപൂർണ്ണമായ വാചകങ്ങൾ, അക്ഷരത്തെറ്റുകൾ എന്നിവ ഉണ്ടായിരിക്കാൻ പാടില്ല. ആവശ്യമുള്ള ഇടങ്ങളിൽ ഭാഷാചിഹ്നങ്ങൾ ഉപയോഗിച്ചിരിക്കണം. തെറ്റുകൾ രചനയിൽ കടന്നുകൂടിയാൽ അവ പ്രസിദ്ധീകരിക്കില്ല.

ഗൂഗിൾ എഴുത്ത് ഉപകരണങ്ങൾ Google Malayalam Transliteration ഉപയോഗിച്ച് രചനകൾ തയാറാക്കേണ്ടതാണ്.   FML TT രേവതി, FML TT കാർത്തിക തുടങ്ങിയ TT ഫോണ്ടുകൾ പാടില്ല. 

പന്ത്രണ്ടു വരികളിൽ കുറഞ്ഞ പദ്യ രചനകൾ പ്രസിദ്ധീകരിക്കില്ല. ഹൈക്കു കവിതകളും, 'കുഞ്ഞുണ്ണി'ക്കവിതകളും ഒരു കൂട്ടമായി (group of 5 or more), പൊതുവായ ഒരു ശീർഷകത്തോടൊപ്പം സമർപ്പിക്കുക.

തീരെ ചെറിയ ഗദ്യ രചനകൾ പ്രസിദ്ധം ചെയ്യില്ല. 150 വാക്കുകൾ (ഏകദേശം 1200 അക്ഷരങ്ങൾ) എങ്കിലും രചനയിൽ ഉണ്ടായിരിക്കണം. തീരെ ചെറിയ ഗദ്യരചനകൾ, രണ്ടോ അതിലധികമോ ചേർന്ന ഒരു കൂട്ടമായി (group), പൊതുവായ ഒരു ശീർഷകത്തോടൊപ്പം സമർപ്പിക്കുക. 

കൂടുതൽ വിവരങ്ങൾക്ക്, ഇനിയുള്ള ലിങ്കുകൾ സന്ദർശിക്കുക. 

 

ഭാഷാ ചിഹ്നങ്ങൾ

ഭാഷാചിഹ്നങ്ങൾ എങ്ങനെ ഉപയോഗിക്കണം 

 

കഥയിലെ പിഴവുകൾ 

കഥയെഴുത്തിലെ പ്രേംനസീർ രോഗം?

ഇന്നലെ വരുത്തിയ അബദ്ധം

 

കവിതയിലെ പിഴവുകൾ

കവിതാരചനയിലെ അപഥസഞ്ചാരങ്ങൾ

എന്താണു കവിത?

 

യാത്രാവിവരണം എങ്ങനെ മികച്ചതാക്കാം?

വഴിക്കാഴ്ച എഴുതുമ്പോൾ

Comments

Chandrasekharan M. G.
0
Chandrasekharan M. G.
12 months ago
നല്ല സംരംഭം♥️
Like Like Reply | Reply with quote | Quote
ഡോ സി  ഗണേഷ്
1
ഡോ സി ഗണേഷ്
3 months ago
മികച്ച സംഘാടനവും ഡിസൈനിങ്ങും ശ്രദ്ധയിൽപ്പെട്ടു.
എഴുത്തുകാർക്ക് നല്ല അവസരം ആണ്.

ഫീച്ചർ എന്ന വിഭാഗം കൂടി ഉൾപ്പെടുത്തിയാൽ നന്നായിരുന്നു.
കേരളത്തിലെ ചില സ്ഥലങ്ങൾ, വിശേഷ സന്ദർഭങ്ങൾ, ചരിത്രം എന്നിവയെക്കുറിച്ച് വിവരം നൽകുന്ന ഫീച്ചറുകൾ ഉൾപ്പെടുത്തുക.
നന്ദി, സസ്നേഹം
ഡോ സി ഗണേഷ്
അസി പ്രഫസർ മലയാള സർവകലാശാല
തിരൂർ കേരളം
Like Like like 1 Reply | Reply with quote | Quote
Chief Editor Mozhi
0
Chief Editor Mozhi
2 months ago
പ്രിയ ഗണേഷ്,
മൊഴിയിൽ കടന്നു വന്നതിനു നന്ദി. പ്രോത്സാഹനത്തിനും നന്ദി. നിലവിലുള്ള "വീക്ഷണം" എന്ന വിഭാഗം, ഗണേഷ് നിർദ്ദേശിച്ച വിഷയങ്ങൾ കൂടി ഉൾക്കൊള്ളുന്നതാണ്. സർഗ്ഗാത്മക രചന കഴിഞ്ഞുള്ളതെന്തും ഉൾക്കൊള്ളാൻ പാകത്തിനാണ് വീക്ഷണം ആരംഭിച്ചത്. എഴുത്തുകാർ കൃത്യമായി അതു മനസ്സിലാക്കുന്നില്ല എന്ന് തിരിച്ചറിയുന്നു. നിർദ്ദേശങ്ങളും വിമർശനങ്ങളും മൊഴിക്കു വിലപ്പെട്ടതാണ്. ദയവായി അതു തുടരുക.
ചീഫ് എഡിറ്റർ, മൊഴി.
Like Like like 1 Reply | Reply with quote | Quote

Add comment

Submit